كل سنة ومجلة بص وطل طيبة، أنا باكتب في مجلة بص وطل بقى لي سنتين.

في الحقيقة مجلة بص وطل اديتني فرصة كبيرة قوي إن أنا أتعرف على القراء وعلى مشاكلهم سواء من الجنسين الشباب أو الشابات، وقدرت إن أنا أعرف المشاكل اللي هما بيواجهوها، وإن أكيد هما كانوا بيلاقوا صعوبة إن هما يقولوها لحد من أهاليهم لمامتهم أو باباهم، فالمجلة قربت الفكرة إن أنا أقدر أرد لهم على الاستشارات دي بطريقة بسيطة.

والحقيقة إن مجلة بص وطل دي مجلة جريئة أولا لأنها بتقدر تعرض مشاكل القراء بجراءة من غير أي كسوف أو خوف وفي نفس الوقت هي مجلة بسيطة لأنها بتقدر تجاوب عن طريق المجلة على مشاكل القراء بطريقة في منتهى البساطة، وبطريقة علمية تقدر توصل لهم المعلومة من غير ما يقعدوا يسألوا بقى أصحابهم أو يعرفوا عن طريق المجلات أو عن طريق "سايتس" مش مظبوط.
لو فيه حد من القراء يحب يسأل عن أي مشكلة أو عنده أي حاجة بتدور في دماغه ومكسوف يسأل مامته أو باباه أو أي حد من أهله يبعت لنا بيها وإحنا عندنا أي استعداد إن إحنا نرد عليها .......

كل سنة وأنتم طيبين ..........

أنا دكتورة/ أمنية مصطفى هلال
استشاري أمراض النساء في مجلة بص وطل